السلام عليكم أخواتي...
شلوووووووووووووووووونكم شمسووووين
المهم اليوم لطشت لكم طريقة تشيز كيك لذيييييييييذ
ورجاء طبقو ماني فاضيه الطش واحط والنهايه
مااحد يطبق علمي نفسك اول خخخخ
,,,,,,,,,,,,,,,
اليوم جبت لكم طريقة تشير كيك رهيبة...
هذا التشيز كيك أخذت طريقته من برنامج Tyler's Utimate
على فتافيت، كان شكله لذيذ ولما سويته طلع ألذ من اللي توقعته وقوامه كريمي و عجب الكل و سألوا عن طريقته...
بسم الله نبدأ مع الخطوات:
أول ما تبدون حموا الفرن على حرارة 350
مقادير القاعدة:
2 كوب بسكويت جراهام أو دايجستف مطحون
5 ملاعق كبيرة سكر
ربع ملعقة صغيرة قرفة
60 غ أو 6 ملاعق كبيرة زبدة، مذوبة
نخلط المقادير مع بعض ونرصها في قاع صينية التشيز كيك (اللي قاعها متحرك) و جوانبها...
ملاحظة: خلطة البسكويت بتكون نثرية مو متماسكة، بس لما ترصونها بتمسك مع بعض...
في البرنامج أستخدم كوب القياس عشان يرص فيه البسكويت، أنا استخدمت قوالب الكريم كراميل الصغيرة وأدت الغرض
دخلي الصينية الفرن لمدة 6 دقايق بالضبط، وهذا شكلها بعد ما طلعتها
مقادير الحشوة:
600 غ كريم تشيز، انا استخدمت علبتين جبن فيلادلفيا الحجم العائلي، وزن العلبة الوحدة 300 غ
كوب سكر
1 ملعقة كبيرة بشر ليمون (حسيت ان الكمية كثيرة وغيرت طعم التشيز كيك، فأتوقع ربع ملعقة يكفي)
ا ملعقة صغيرة فانيلا
صفار 5 بيضات
ربع كوب كريمة
بياض 5 بيضات
نجيب الكريم تشيز والسكر وبشر الليمون والفانيلا
نخلطهم مع بعض لين يصيرون مثل الكريمة
نضيف عليهم صفار البيض والكريمة ونخلطهم
نخلط بياض البيض لحاله لين ينفش ويتماسك
الحين نجيب بياض البيض ونضيفه بالتدريج على مقدار الكريم تشيز ونحرك بملعقة خشب من فوق لتحت عشان ما يهبط البياض، لحد ما يتجانس الخليط ونصبه في الصينية
ندخل الصينية الفرن لمدة ساعة وربع... اللي سويته هنا إني غطيت قاع الصينية بورق ألمنيوم و حطيتها في حمام مائي عشان ما تحترق لأنها بتطول بالفرن...
وهذا شكلها بعد ما طلعتها
خلوها تبرد تماماً، تقريباً ساعة ونص
بعدين حطوا عالوجه الحشوة اللي تحبون (أنا استخدمت الكرز)
بعدين دخلوها الثلاجة إذا تحبونها باردة، أو قدموها على طول
منقول
موضوع: تشيز كيك New York خطوة خطوة 
الأربعاء أغسطس 06, 2008 11:08 pm